Gürcüstanda yeni spiker seçildi –Müxalifətçilər narazı qaldı
Ölçü:


Gürcüstan parlamentinin bugünkü plenar iclasında Arçil Talakvadze spiker seçilib.

Koordinat.az Gürcüstan mətbuatına istinadən xəbər verir ki, onun namizədliyi səs çoxluğu ilə təsdiqlənib. A.Talakvadzenin lehinə 101 deputatdan 94-ü səs verib.

Parlamentdə təmsil olunan müxalif Avropalı Gürcüstan və Vahid Milli Hərəkat partiyalarından olan deputatlar səsvermədə iştirak etməyiblər.

A.Talakvadzenin 36 yaşı var. O, 2016-cı ildən hakim Gürcü Arzusu Partiyasının deputatı və parlament çoxluğunun lideridir. O, 2012-2014-cü illərdə Gürcüstanın penitensiar sistem və probasiya nazirinin müavini, 2014-2016-cı illərdə isə daxili işlər nazirinin müavini vəzifələrində çalışıb.

Qeyd edək ki, keçmiş spiker İrakli Kobaxidze iyunun 21-də istefa verib
25.06.2019 14:51:00
Oxuma sayı: 100