SOCAR qaz kəmərindəki yanğın barədə
Ölçü:


Azərbaycan Respublikası Dövlət Neft Şirkəti (SOCAR) Səngəçaldakı qaz kəmərində olan yanğın barədə məlumat yayıb.

Koordinat.az xəbər verir ki, rəsmi məlumatda  yanvarın 10-da axşam saat 20.45 radələrində diametri 1000 millimetr olan Səngəçal Baş Qurğuları-Qazıməmməd magistral qaz kəmərində yanğın baş verdiyi deyilir.  SOCAR-ın mətbuat xidmətinin məlumatında bildirilir ki,  yanğının söndürülməsi üçün kəmər dərhal lokallaşdırılıb, bu xəttə verilən qaz alternativ kəmərə keçirilib və xətt istismardan təcrid olunub.

Hadisə nəticəsində xəsarət alan olmayıb, yaşayış məntəqələri üçün hər hansı təhlükə yoxdur. Hadisənin səbəbləri araşdırılır, əlavə məlumat veriləcək.

10.01.2017 23:12:00
Oxuma sayı: 335