Cavid Qurbanov: "Dəmir yolu xətlərinin Əhmədli, Zirə, Pirallahı və aeroportadək uzadılacaq"
Ölçü:


Bakı-Sabunçu dəmir yolu xəttində gediş haqqı 50 qəpik olacaq.

Koordinat.az
bunu “Azərbaycan Dəmir Yolları” Qapalı Səhimdar Cəmiyyətinin (QSC) sədri Cavid Qurbanov bildirib. O, deyib ki, bu marşrut üzrə dəmir yolu xəttinin uzunluğu bir istiqamət üzrə 13,5 kilometrdir: “Bakı sərnişin – Sabunçu dəmir yolu xətti üzərindəki Bakıxanov, Koroğlu, Keşlə və Nərimanov dayanacaqları tamamilə yenidən qurulub. Artıq Sabunçu dəmir yolu vağzalı kompleksi sərnişinlərə xidmət göstərməyə tam hazırdır”.

Cavid Qurbanov deyib ki, hazırda dəmir yolu daha sürətli nəqliyyat vasitəsi hesab olunur:

“Gələcəkdə dəmir yolu xətlərinin Əhmədli, Zirə, Pirallahı, həmçinin Heydər Əliyev adına Beynəlxalq Hava Limanına qədər uzadılmasını düşünürük və bu yollar davamlı olaraq tikiləcək”.

Qeyd edək ki, ötən gün Prezident İlham Əliyev Sabunçu dəmir yolu vağzalı kompleksinin açılışında iştirak edib, yeni inşa edilən Bakı sərnişin – Sabunçu dəmir yolu xətti üzrə görülən işlərlə tanış olub.
22.05.2019 10:52:00
Oxuma sayı: 22