Məktəblilər Milli Məclisdə olublar
Ölçü:


“Uşaqlar üçün effektiv qanunvericilik: Milli Məclis–UNİSEF əməkdaşlığı” mövzusunda tədbir keçirilib.

Bakı Şəhəri üzrə Təhsil İdarəsindən Koordinat.az-a verilən məlumata görə, Milli Məclis və UNİSEF-in birgə təşkilatçılığı ilə keçirilən tədbirdə millət vəkilləri, ümumi təhsil məktəblərinin direktorları, qeyri-hökumət təşkilatlarının, ictimai birliklərin nümayəndələri və şagirdlər iştirak ediblər. Bakı şəhərindəki 7 nömrəli məktəbin rəhbərliyi və təhsildə yüksək nailiyyətlər qazanmış şagirdlərin də iştirak etdiyi görüşün əlamətdar dövrə təsadüf etdiyi, BMT-nin Uşaq Fondu olan UNİSEF-in 70 illiyi ərəfəsində keçirildiyi nəzərə çatdırılıb. Çıxışlarda ulu öndər Heydər Əliyevin əsasını qoyduğu ənənəyə uyğun olaraq, uşaqların xoşbəxt və firavan yaşaması üçün dövlət səviyyəsində mühüm layihələrin həyata keçirildiyi və Prezident İlham Əliyevin rəhbərliyi ilə bu işlərin uğurla davam etdirildiyi vurğulanıb. Həmçinin, Azərbaycanda uşaq hüquqlarının müdafiəsi, dövlətin uşaqlara göstərdiyi qayğı və qarşıda duran vəzifələrdən söhbət açılıb, bir sıra təkliflər səsləndirilib.

Sonda UNİSEF tərəfindən hazırlanan uşaqlara həsr olunmuş film nümayiş etdirilib.
20.12.2016 13:32:08
Oxuma sayı: 465