Yemişan arağından zəhərləndilər: 8 nəfər öldü, 7 nəfər ağır vəziyyətdədir - Rusiyada
Ölçü:


Rusiyada spirtli içkidən zəhərlənərək xəstəxanaya yerləşdirilən şəxslərdən 8 nəfər ölüb, 7 nəfərin vəziyyəti ağırdır.

Koordinat.az
xəbər verir ki, bu barədə “RİA Novosti” məlumat yayıb. Bildirilir ki, bu gün 10 nəfər naməlum maddədən kəskin kimyəvi zəhərlənmə diaqnozu ilə İrkutsk şəhərindəki iki xəstəxanaya gətiriliblər. Həkimlər həmin şəxslərin hamısının spirtli içki qəbul etdiyini ehtimal edirlər. Xəstəxanaya gətirilən şəxslərdən kimyəvi-toksikoloji ekspertiza üçün nümunə götürülüb. Ekspertiza zamanı onların yemişandan çəkilmiş spirtli içkidən zəhərlənditi məlum olub.

Rusiya Daxili İşlər Nazirliyi də həmin şəxslərin yemişan məhlulu içdiklərinin üzə çıxdığı barədə məlumat yayıb. Bildirilir ki, İrkutsk şəhərində spirtli içkidən zəhərləndiyi ehtimal edilərək xəstəxanaya gətirilən şəxslərdən 8 nəfəri ölüb, 7 nəfərin müalicəsi davam edir. Hazırda polis və təhqiqatçılar spirtli içkilərin kütləvi satıldığı ticarət obyektlərində yoxlama aparır, şahidləri müəyyənləşdirir.

18.12.2016 19:56:00
Oxuma sayı: 245