Bakı Metropoliteni” 45 milyon manat subsidiya ayrılacaq
Ölçü:


Azərbaycanın 2018-ci il dövlət büdcəsindən "Bakı Metropoliteni” QSC-yə 45,0 mln. manat həcmində subsidiya ayrılacaq.

Koordinat xəbər verir ki, bu barədə "Azərbaycan Respublikasının 2018-ci il dövlət büdcəsi haqqında” qanunun tətbiqi ilə bağlı bir sıra məsələlər barədə Azərbaycan Prezidentinin fərmanında bildirilir.

Qeyd edək ki, parlamentdə müzakirə olunan büdcə layihəsində bu subsidiyanın məbləği ilkin olaraq 89 mln. manat qeyd olunmuşdur.

2017-ci ilin dövlət büdcəsində "Bakı Metropoliteni” QSC-yə verilən subsidiya 30,0 mln. manat təşkil edib. Bu da 2018-ci ildə Cəmiyyətə ayrılan yardımın 50% artmasını göstərir.

Bundan başqa, 2018-ci ilin dövlət büdcəsində "Azərbaycan Hava Yolları” QSC-yə 10,0 mln. manat subsidiya verilməsi nəzərdə tutulub. Həmçinin, Bakı Nəqliyyat Agentliyinə 48,1 mln. manat, Dövlət Dəniz Adminstrasiyasına 4,472 mln. manatın ayrılması planlaşdırılır.

26.12.2017 12:11:00
Oxuma sayı: 1007