Ölkənin bütün ərazilərinə qar yağır
Ölçü:


Ekologiya və Təbii Sərvətlər Nazirliyi ölkə ərazisindəki faktiki havanı açıqlayıb.

Nazirliyin Milli Hidrometeorologiya Departamentindən Koordinat.az-a verilən məlumata görə,  dünən günün ikinci yarısından 6-sı səhərədək ölkə ərazisində hava şəraiti qeyri-sabit olub, yağış, bəzi yerlərdə sulu qar, qar yağıb, ayrı-ayrı yerlərdə intensiv olub. Şimal-qərb küləyi əsib, bəzi rayonlarda, Bakıda və Abşeron yarımadasında  güclənib. Yağıntının miqdarı Bakıda və Abşeron yarımadasında 2-6, Böyük Qafqazda 2-31, Kiçik Qafqazda 5-19, Lənkəran-Astara zonasında 1-10, Qazax-Gəncə zonasında 1-2, Mərkəzi Aran rayonlarında  1-9, Naxçıvan MR-da 1-4 mm təşkil edib.

Qar örtüyünün hündürlüyü Qubada 20, Qubanın dağlıq ərazilərində 2-20, Xınalıqda 13, Daşkəsən, Göygöl, Altıağacda 10, Sarıbaşda 8, İsmayıllıda 7, Şahbuzda 5, Qəbələdə 4, Lerik, Rvarud, Ordubadda 3,  Şamaxıda 2, Ağdərə, Mərəzə,  Şabran,  Kişçayda 1 sm olub.

 
06.12.2016 09:59:00
Oxuma sayı: 97