Bu il abituriyentlərin sayı azalıb - RƏSMİ
Ölçü:


2017-2018-ci tədris ili üçün I-IV ixtisas qrupları üzrə qəbul imtahanlarında müsbət dinamika müşahidə olunub. Bu  tədris ili üçün I-IV ixtisas qrupları üzrə qəbul imtahanlarında 70.797 nəfər iştirak edib.

Koordinat.az
xəbər verir ki, bu bardədə Təhsil Nazirliyinin 2017-ci ilə dair hesabatında bildirilib. Qeyd edilib ki, ötən illərlə müqayisədə qəbul imtahanlarında iştirak edən abituriyentlərin sayı azalsa da, 200-dən artıq bal toplayan abituriyentlərin mütləq sayı artıb. Bu il qəbul imtahanlarında 2464 nəfər 600 baldan yuxarı nəticə göstərib. Ötən il bu rəqəm 2281, 2015-ci ildə 2094, 2014-cü ildə isə 1725 nəfər təşkil edib. Son tədris ilində ali təhsil müəssisələrinə tələbə qəbulu üzrə keyfiyyət göstəriciləri də xeyli artıb. Belə ki, qəbul imtahanlarında müsabiqə şərtlərini ödəyənlərin sayı I ixtisas qrupu üzrə 6.6 faiz, II ixtisas qrupu üzrə 4.6 faiz, III ixtisas qrupu üzrə 7.8 faiz, IV ixtisas qrupu üzrə 10.9 faiz artıb.

2017-ci ildə də tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi, eləcə də ölkəmizdə yerləşən orta ixtisas təhsili müəssisələri tələbələrinin, magistratura səviyyəsində təhsilalanların köçürülməsi elektron sənəd qəbulu əsasında həyata keçirilib. Transfer.edu.az portalı vasitəsi ilə 1191 nəfər tələbə köçürülüb. Bu portal 2016-cı ildən fəaliyyət göstərir,  tələbələrin köçürülmə prosesinin sadələşdirilməsi və şəffaflığın təmin edilməsi məqsədi ilə istifadəyə verilib.
21.12.2017 11:58:00
Oxuma sayı: 680