Səudiyyədə bəzi məmurların bank hesabları dondurulub
Ölçü:


Səudiyyə Ərəbistanında antikorrupsiya əməliyyatı çərçivəsində saxlanılan bir sıra məmurların bank hesabları dondurulub.

Koordinat.az
xəbər verir ki, yayılan məlumatlarda əməliyyat başlayandan sonra 1200-dən artıq bank hesabının dondurulduğu deyilir. Bundan əvvəl bildirildiyi kimi, Krallıqda gözlənilən yeni antikorrupsiya əməliyyatı çərçivəsində 500-dən çox məmur həbs edilə bilər.

Qeyd edək ki, noyabrın 4-də Səudiyyə Ərəbistanında vəliəhd Məhəmməd bin Salmanın rəhbərliyi ilə Korrupsiya ilə mübarizə üzrə Ali Komitənin yaradılması haqqında fərman imzalanıb.

Növbəti gün Ali Komitə sabiq nazir, hərbçi və sahibkarların da daxil olduğu 40-a yaxın nüfuzlu şəxsin saxlanması barədə əmr verib.
08.11.2017 10:53:00
Oxuma sayı: 1487