Nalbandyan: "Türkiyə ilə imzalanmış protokolları ləğv edəcəyik"
Ölçü:


"2018-ci ilin baharını Ermənistan-Türkiyə protokolları olmadan qarşılayacağıq".
 
Koordinat.az xəbər verir ki, bunu Yunanıstanda səfərdə olan Ermənistanın xarici işlər naziri Edvard Nalbandyan bu ölkə XİN-nə çıxışında deyib.
 
"Əminəm ki, bizim Türkiyə ilə münasibətlərə yanaşmamız sizləri maraqlandırır. Bilirsiniz ki, Ermənistan prezidentinin təşəbbüsü ilə Türkiyə ilə başlanan normallaşma prosesi 2009-cu ilin oktyabrında Sürihdə protokolların imzalanmasına səbəb oldu. Lakin indiyə qədər bu protokollar ratifikasiya olunmayıb, çünki Türkiyə protokolların ruhuna və mətninə zidd əsassız şərtlər irəli sürdü. Bu sənədlər daimi girov kimi qala bilməz, ona görə də Ermənistan prezidenti sentyabrda BMT Baş Assambleyasının tribunasından bildirdi ki, Ermənistan protokolları ləğv edəcək, çünki onların həyata keçirilməsində tərəqqi yoxdur", – deyə E. Nalbandyan söyləyib.
13.12.2017 17:22:19
Oxuma sayı: 607