Azərbaycanda ən yüksək və ən aşağı maaş olan rayonlar - SİYAHI
Ölçü:


Azərbaycanda 2018-ci ilin 3-cü rübündə işləyənlərin sayı 1 mln 552,7 min nəfər təşkil edib.

Koordinat.az
bildirir ki, Dövlət Statistika Komitəsinin açıqladığı məlumata görə, ölkədə hazırda muzdla işləyənlərin sayı 1 mln 552,7 min nəfər olub və ölkə üzrə orta aylıq əməkhaqqı isə 540,5 manatdır.
İşləyən əhalinin regionlar üzrə bölgüsünə baxdıqda ən çox işçi Bakı şəhərində (714,5 min nəfər)  cəmləşib. Bundan başqa iqtisadi rayonlardan  Aran iqtisadi rayonu, Gəncə-Qazax iqtisadi rayonu və Naxçıvan Muxtar Respublikası da işçi sayının çoxluğuna görə digər iqtisadi rayonlardan fərqlənirlər. Bu rayonlarda müvafiq olaraq işçi sayı müvafiq olaraq 214 min nəfər, 140,8 min nəfər və 111,6 min nəfər olub.

Rayonlar üzrə isə ən çox işçi Naxçıvan şəhərində 57,5 min nəfər, ən az isə Naftalan (2,7 min nəfər), Xızı (3 min nəfər) və Qobustan (3,3 min nəfər) rayonlarındadır.


Ən çox işləyəni olan rayonlar
Bakı  – 714,5 min nəfər,
Sumqayıt – 54,5 min nəfər
Gəncə – 43,4 min nəfər
Abşeron 27 min nəfər
Lənkəran – 22,4 min nəfər
Şəki 21,4 min nəfər
Mngəçevir – 17,9 min nəfər
Bərdə – 17,8 min nəfər

Ən az işçisi olan rayonlar
Xocalı  – 1,2 min nəfər
Xocavənd – 1,3 min nəfər
Şuşa – 2 min nəfər
Zəngilan – 2,3 min nəfər,
Naftalan 2,7 min nəfər
Xızı – 3 min nəfər
Qubadlı 3,2 min nəfər
Qobustan  – 3,3 min nəfər

Rayonlar üzrə orta aylıq nominal əmək haqqı

Ölkədə ən yüksək orta aylıq nominal əmək haqqı Bakı şəhərində 785,6 manat olub. İqtisadi rayonlar üzrə ən yüksək orta aylıq  nominal əmək haqqı Naxçıvan Muxtar Respublikası üzrə 429,4 manat olub. Ən az isə Şəki-Zaqatala iqtisadi rayonunda 284,7 manat təşkil edib.

Rayonlar üzrə ən yüksək orta aylıq əmək haqqı
Sədərək rayonu 484,8 manat,
Şuşa rayonu 456,6 manat,
Naxçıvan şəhəri 447,4 manat,
Şirvan şəhəri 446 manat,
Gədəbəy rayonunda  439,7 manat.

Rayonlar üzrə ən aşağı orta aylıq əmək haqqı

Qax rayonu 255,7 manat,
Zərdab rayonu 257,7 manat,
Ağcabədi rayonu 258,7 manat,
Ağdaş rayonu 259,8 manat,
Ağdam rayonunda 63,7 manat təşkil edib.
23.11.2018 16:27:58
Oxuma sayı: 450