Məmurların vətəndaş qəbulunda yenilik - Prezident tapşırıq verdi
Ölçü:


Prezidenti  İlham Əliyevin tapşırığına əsasən, bir neçə ildir Bakı şəhərində və regionlarda mərkəzi və yerli icra hakimiyyəti orqanları mütəmadi olaraq vətəndaşlarla qəbul keçirirlər. Ölkə başçısının göstərişi ilə regionlarda və paytaxt Bakıda hər bir icra başçısı ayda 4 dəfədən az olmamaq şərti ilə sakinlərlə onlara daha yaxın ərazilərdə görüşlər keçirməlidir.

Görüşdə icra başçısı, müavinlər, şöbə müdirləri, digər məsul işçilər, hüquq-mühafizə orqanlarının, dövlət idarə, müəssisə və təşkilatların, xidmət sahələrinin rəhbərləri iştirak edirlər.

Dövlət başçısının tapşırığı ilə səyyar qəbulu zamanı  icra başçısı rayon idarələrinin rəhbərləri ilə birlikdə əhalini narahat edən sosial problemlərin həllinə nail olmaq üçün, narahatlıq doğuran məsələləri, vətəndaşların istək və arzularını öyrənirlər.

Modern.az xəbər verir ki, artıq bu görüşlərlə bağlı yenilik edilib. Belə ki, prezidentin göstərişi ilə hər bir rayon və şəhərdə sakinlərlə görüşə icra başçı ilə yanaşı, Prezident Administrasiyasından bir nümyəndə qatılır.

Qeyd edilir ki, bu yenilik görüş zamanı sakinlərin qaldırdığı problemləri birbaşa Prezident Administrasiyasına çatdırmağa və qaldırılan məsələnin tez bir zamanda həllinə nail olmağa şərait yaradacaq.
12.10.2018 10:58:00
Oxuma sayı: 167